2018 оны 4 сарын 17
ЖИРЭМСЛЭЛТЭЭС ХАМГААЛАХАД ЭРЧҮҮДИЙН ОРОЛЦОО

Хамтрагч эмэгтэйгээ хүсээгүй жирэмслэлтээс сэргийлэхэд нь чадлынхаа хэрээр оролцох боломжтой. Үүний тулд эрчүүдэд зориулсан жирэмслүүлэхээс сэргийлэх тусгай аргууд байдаг.

Бэлгийн хавьтлаа таслах буюу гадуур тавих

Эрэгтэй нь дур тавих үедээ бэлэг эрхтнээ эмэгтэйнхээ үтрээнээс гаргадаг. Гэхдээ энэ аргыг хамгийн найдваргүй арга гэж үздэг.

Бэлгэвч

Хамгийн их тархсан бөгөөд аюул багатай арга нь бэлгэвч хэрэглэх арга юм. Өндөр чанартай нимгэн резинээр хийсэн бэлгэвч нь хүсээгүй жирэмслэлтээс сэргийлээд зогсохгүй бэлгийн замын халдвараас хамгаалдаг. Эртний ромчууд гэрийн тэжээвэр амьтны гэдэсний хальс углаж, сэргэн мандалтын үеийн европчууд эм шингээсэн зотон даавуун уут хэрэглэдэг байсан гэхээр одоогийн эрчүүдийг илүү азтай гэж болно.

Чанартай бэлгэвчний савны гадна талд заавал электрон хяналтад орсон тухай бичсэн байдаг. Бэлгэвч таваас илүүгүй жил хадгалагддаг. Хэрэглэсний дараа цонхоороо шидэх, эсвэл суултуур луу хаях зэргээр хүрээлэн буй орчныг бохирдуулж болохгүй бөгөөд хогийн саванд хаях нь зүйтэй.

Суваг боох

Эрэгтэй хүний үр дамжуулах сувгийг боох хагалгааг “вазектоми” гэдэг. Ингэхдээ эр бэлгийн эсийг хоёр төмсөгнөөс дамжуулдаг үрийн сувгийг тасладаг. Вазектоми хийлгэснээс хойш нэг сар орчмын дараа эр хүн бүрэн үргүй болно. Хагалгаа нь нэлээд энгийн тул хүндрэл бараг гардаггүй. Эрэгтэй хүн үлдсэн амьдралынхаа туршид үр тогтоох боломжгүй болдог нь энэ аргын гол дутагдал байсан.

Харин орчин үед “буцаах вазектоми” мэс засал бий болсон бөгөөд таслагдсан үр дамжуулах сувгийг сэргээн оёсноор эрэгтэй хүн дахин үр тогтоох чадвартай болдог байна. Ийм хагалгааны 90%-д нь үр тогтоох чадвар сэргэдэг. Мөн үр дамжуулах сувагт тусгайлан хийсэн бяцхан хавхлаг тавиад түүнийг маш жижигхэн мэс заслаар хүсэлтийн дагуу онгойлгож, мөн дахин хаах төстэй арга ч байдаг. Хятадад хутгагүй вазектомын арга боловсруулсан бөгөөд бүх мэс засал 3-5мм урттай бяцхан зүслэгээр хийгддэг байна. Ийм маягаар жирэмслэлтээс сэргийлэх эрэгтэйчүүдэд зориулсан мэс заслын арга нь маш найдвартай, харьцангуй аюул багатай болж байна. Түүний дутагдалтай талууд нь гэвэл заавал мэс ажиллавар шаардах ба буцааж болохгvй байх эрсдэл юм.

Самурай арга

Энэ аргыг хамгийн өвөрмөц гэж болно. Эртний Японд сэдсэн энэ аргын дагуу эрэгтэй хүн 2 сарын турш өдөр бүр халуун (ойролцоогоор 40 хэм ) усанд төмсгөө хэдэн минутын турш дүрэх ёстой. Үүний үр дүнд багаар бодоход ойрын хагас жилдээ эцэг болохоос айх явдалгүй болдог байна. Хэвийн үед хуйхнагийн дулаан 360 хэмээс илүүгүй байдаг. Төмсгийг халаах үед эр бэлгийн эс боловсруулалт алдагддаг. Машины жолооны ард өдөрт 4-өөс илүү цагаар суух тохиолдолд ч ийм үр дүн гардаг байна...

 

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...