2017 оны 11 сарын 14
Би өнгөрсөн 3 жилд яаж тэссэн юм болоо?

 Сайн байна уу ? Би та бүхэнтэй өөрийн хайрын түүхээ хуваалцах гэсийн .Хайртай залуутайгаа би ахлах сургуулийн 10-р ангид тэр манай ангид хуваагдаж орж ирснээр танилцсан юм. Нэг сургуульд сурдаг хэрнээ нэгнийгээ огт мэддэггүй шахуу байсан юм. Тэр үед жоохон хүүхэд байсан болохоор үерхлийг ер нь болохгүй зүйл гэж боддог байлаа.

Би ангийнхаа хүүхдүүдээс насаар бага сургуульд орсон, ангийнхаа хамгийн балчир охин байсан юм. Тэгээд найз залуу маань орж ирээд миний ард сууснаар бид ангийн найзууд болсон. Эхэндээ ч их зодолддог байж дээ. Тэгж нэгнээрээ шоглож, уурлуулж явсаар тэр минь надад сайн болсон юм.

Үерхье гэж гуйх бүрт нь татгалзаж бүтэн жилийг ардаа үдсэн байж. Бүтэн жилийн турш өөрийг нь тоохгүй байгаа намайг хайрлах хайр нь мөхөлгүй, намайг улам ихээр хайрлаж, дэмжиж, тусалдаг байсан юм. Тэгсээр би ч түүндээ дасч 11р анги төгсөх жилийнхээ хавар нь бид 2 үерхэж эхэлсэн.

Анх намайг үнсээд олон хүүхдийн өмнө алгадуулж ч байлаа. Дөнгөж сайхан үерхэж, нэгнээ таньж эхлэх гэж байтал нэгэн том саад бидний өмнө гарч ирэв. Би холын хол, хилийн чанадад сурахаар явж одов. Хүний урманд гараасаа хөтлөлцөж алхаж үзээгүй, эгэл даруу, жинхэнэ хайраар холбогдсон бид тэр нэг өдөр хэзээ дахиж уулзахаа мэдэхгүйгээр салсан юм.

Биеэрээ салсан ч сэтгэлээрээ үргэлж хамт байсан. Гэхдээ сайны хажуугаар саар гэж хол удах тусам нэгэндээ итгэл алдарч, маргалдаж, салах ч үе олон гарч байлаа. Дөнгөж очсоны дараа нэг хэсэгтээ тийм байдалтай байсан юм. Энэ янзаараа бүтэхгүй байх даа гэж бодож байсан харилцаагаа өөрчилж, алдаагаа засч, нэгнийгээ ойлгосны эцэст 3 жил буюу 1104 өдрийн дараа бид ахин уулзлаа.

Онгоцны буудал дээр буугаад түүнтэйгээ уулзахад зүгээр л хайрлах, бахархах сэтгэл давхцаж байсан юм. Миний гол санаа бол бие холдвол сэтгэл холддог гэдэг тэр үг худал юм шүү. Үнэхээр сэтгэл байхад, хайр байхад хичнээн удаан хугацааны дараа ч тэд өмнөх шигээ нэгнээ хайрын харцаар харж болдог гэдэгт итгээрэй. Би саяхан Монголдоо ирсэн бөгөөд үнэхээр аз жаргалтай байна...

 

 

 

 

 

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...